Author: by Dr. Durga Bahadur Gharti
Publisher: indigo ink
Language: Nepali
Paperback
मनोविश्लेषणात्मक समालोचकका रूपमा स्थापित डा. दुर्गाबहादुर घर्तीले सांस्कृतिक अध्ययन सँगै आफूलाई समालोचनाको अर्को सार्थक विमर्शमा खरो उभ्याएका छन् । साहित्य-समालोचनालाई समाजका जीवन्त बहसमा सामेल गराउनुको साटो कक्षाकोठाको साँघुरो घेराभित्र प्राविधिक रस्साकसीमै सीमित गराइदिनाले प्राज्ञिक भनिने लेखनप्रति आम पाठकहरूको रूचि घट्दो छ । यही माहोलबीच यस पुस्तकले सांस्कृतिक अध्ययनको वैश्विक परम्परादेखि नेपाली साहित्यमा जागेको सांस्कृतिक सचेतनासम्मलाई जोडेर बहस गर्ने मेसो मिलाइदिएको छ । प्राध्यापक र शोधार्थीबीच हुने उच्चाटलाग्दो ओसिलो प्रश्नोत्तरलाई केही बेरको विश्राम दिएर सामाजिक बहसको रापिलो उज्यालोतिर डोयाउने पुलको काम यस पुस्तकले गर्ने अपेक्षा लिन सकिन्छ । पछिल्लो समय सांस्कृतिक अध्ययनले विश्वविद्यालयदेखि सार्वजनिक वृत्तमा समेत आफूलाई केन्द्रमा पार्दै लगेको परिवेशमा यस पुस्तकको आगमन सुखद मान्न सकिन्छ । प्राज्ञिक अध्ययनका अथक साधक डा. घर्तीको यस पुस्तकले परवर्ती अध्येतालाई समेत सांस्कृतिक वाद-प्रतिवाद-संवाद मा सहभागी हुन आह्वान गरेको छ । - गुरुङ सुशान्त, समीक्षक
Safe Payment
7 Days Return Policy
100% Authentic Books
english
